Fuji Xerox, nagbabala sa publiko ukol sa maling paggamit ng salitang “xerox”




Imahe mula sa Pixabay
  • Nanawagan ang Fuji Xerox na huwag gamitin ang salitang xerox bilang pantukoy sa pagkopya
  • Ang Xerox ay isang registered trademark
  • Protektado ng batas ang kanilang trademark at hindi ito dapat gamitin ng iba nang walang pahintulot

Sa tuwing kailangan natin ng kopya ng isang dokumento, agad tayong nagpapakopya nito. Tinatanggap natin ang salitang “xerox” bilang salitang kilos na nangangahulugang “pagkopya.”

Gayunman, ang orihinal na salitang ito ay hindi isang pandiwa. Ito ay pangngalang pantangi ng isang kompanya—ang Fuji Xerox Co., Ltd.

Imahe mula sa Fuji Xerox Philippines Facebook page

Nagbabala sa publiko ang Japanese-American company na huwag gamitin ang salitang xerox kung ang tinutukoy ay kopya.

Ayon sa report ng Inquirer, naglabas ng print advertisement ang Fuji Xerox kung saan isinaad dito na: “It’s not just another word for copy. Xerox is a registered trademark protected by law.”

Ang Fuji Xerox ay itinatag noong 1962 bilang isang joint venture sa pagitan ng Rank Xerox Limited (ngayon ay Xerox Limited) at ng Fuji Photo Film Co., Ltd. Pinasok nila ang Philippine market noong 1965. Kabilang sa kanilang mga produkto ang mga printer at scanner.

“Xerox is a globally recognized registered trademark and its unauthorized use without permission of the trademark holder, whether as a trademark or trade name is expressly forbidden by law,” ayon sa ad.

Nakiusap din ang Fuji Xerox sa publiko na huwag gamitin ang “Xerox” upang ilarawan ang serbisyo na ibinibigay ng mga copy services.

“As a registered trademark, Xerox is also not a verb or common noun and should therefore not be used to describe copying or copy services in general. So please don’t use the word “Xerox” as another word for “copy.”

Imahe mula sa Pixabay

Hindi lamang sa Pilipinas laganap ang paggamit ng “Xerox” na pantukoy sa “kopya.” Kung hahanapin sa Internet ang kahulugan ng salitang ito, maraming online dictionary ang nagsasaad na ito rin ay salitang kilos.

Halimbawa nito ang Merriam-Webster na binigyang kahulugan ang xerox bilang “to copy on a xerographic copier” o “to make (a copy) on a xerographic copier.”